Amsterdam;
Hulanda ta den e top 10 paisnan rond di mundo caminda maltrato di bestia ta pasa cu un frequencia halto. For di e cifranan di 2010 Hulanda a keda nada mas y nada menos cu na e di 4 lugar riba e lista hunto cu diferente otro paisnan caminda maltrato di bestia ta sosede na gran escala. E lista aki ta wordo presenta pa di 13 biaha door di “Stichting Dierenhulp Nederland”. Grecia ta aparace e anja aki un biaha mas como e number 1 ariba e lista y ta wordo sigi pa Spanja. Na di 3 lugar ariba e lista ta (ex) Antillas Hulandes.
Na anja 2009 Hulanda tabata na e di 6 lugar ariba e lista aki. Den anja 2010 Hulanda a subi cu dos posicion pa asina yega na ta e pais number 4 ariba e lista. Esaki ta bin door di entre otro negoshi (bendemento) di cabay malo, tambe negoshi (bendemento) di diferente animalnan via di websites, door di testnan hasi ariba animalnan y tambe door di a duna permiso na miembronan di Cas Real pa jacht. Tambe tin un cantidad grandi di notificacion di maltrato y disfiguracion di pato, ganso, zwaan, cacho y pushi. Tur esaki a contribui pa Hulanda yega e biaha aki ariba e di 4 lugar ariba e lista di paisnan cu mas maltrato di bestia.
Esun cu a subi mas ainda ariba e lista ta ARUBA. Aruba a subi cu nada menos cu 17 lugar Aruba. Aruba ta aparece e biaha aki ariba number 12 di e lista. Atrobe esaki ta bin door cu na Aruba un totaal di 8500 animalnan a wordo “poni drumi” den anja 2010, anja cu e investigacion a tuma lugar. Den combersacion cu Gobierno di Aruba esaki a wordo confirma tambe sigun “Stichting Dierenhulp Nederland”, pero sigun “Stichting Dierenhulp Nederland” Gobierno di Aruba tambe lo a confirma cu nan kier mira un cambio den e problema aki y pesey mes nan lo bai enfoca mas ariba sterelisacion y castracion.
Por menciona cu tabatatin paisnan si cu a score mihor e biaha aki manera Cuba cu ta esun cu a baha ariba e lista cu un totaal di 12 lugar. E reformacion di Cuba tatabatin un resultado positivo ariba su populacion y tambe ariba e trato pa cu su bestianan. Top 15 di paisnan cu mas maltrato di bestia ta:
- Grecia
- Spanja
- ex Antillas Hulandes
- Hulanda
- Roemenia
- Turkije
- Venezuela
- Bulgaria
- Egypte
- Portugal
- Mexico
- Aruba
- China
- Thailand
- Merca.
Bronnen: http://www.telegraaf.nl y http://www.dierenhulp.nl.
Si bo ta desea di yuda ARA of bira un voluntario e-mail nos na: info@animalrightsaruba.org, bishita nos website: http://www.animalrightsaruba.com of bira nos amigo ariba facebook.