Infeccion na orea ta e di dos rason mas comun pa hiba un cacho veterinario, pesey ta importante pa mantene bo mascota su orea saludabel.
Pero con frequente esaki mester sosode na cas? Falta di limpiesa por causa purga y crecemento di bacteria, mientras limpiesa di mas por causa cu e wax natural di e ora ta gasta y causa iritacion.
E wax natural den bo cacho su orea ta yuda lubrica y proteha su cuero delicado contra infeccion. E capa mester keda presenta, asina ta solamente ora e orea ta “sushi” mester haci limpiesa.
Con hopi e ta tarda pa e orea susha ta depende di e rasa di e cacho, su lana, nivel di actividad, produccion di wax y humedad. Na otro palabra, e ta varia pa cada cacho. Veterinarionan ta recomenda haci limpiesa un bez pa luna “normal”, pero pa esnan cu ta gusta landa, lora den tera of ta sensitivo pa infeccion, esaki lo mester pasa mas frequente.
Controla e oreanan cada biaha cu bo banja bo mascota despues cu nan a hunga, por ehemplo despues di un atardi na lama. Simplemente pasa un panja limpi na e exterior di e orea y e flap ta mayoria bez suficiente pa mantene e oreanan limpi. Si mester, tambe por aplica un tiki limpiado di orea cu ta aproba pa un veterinario riba un pida catuna y pasa esaki rond di e flap di e orea.
Pa determina si a bira tempo pa flush orea, lanta e flap y wak paden. Si bo ripara sushi of aumento di sushedad bruin den a orea, por ta tempo pa usa un limpiador den e area horizontal di e canal di e orea. Sin embargo, prome cu bo haci esaki percura pa bo mascota no ta sufriendo di un infeccion di orea!
Si acaso bo mascota tin e siguiente sintomanan acompanja pa sushedad of pus, no purba di haci e limpiesa bo mes y consulta un veterinario di biaha:
- Holo malo for di e orea
- Pus of sanger
- Grawatamento den exceso di e oreanan
- Sacudimento violento di e cabez
- Flap or canal di orea ta cora of hincha
- Sensitividad of dolor ora mishi cu e oreanan
Ta sumamente importante pa percura cu bo cacho semper sinti un experiencia positivo ora di wordo trata na cas pa asina e tin confiansa den bo pa tratamentonan den futuro. Si acaso bo no ta sigur, semper ta un bon idea pa check cu bo veterinario prome.