|
Mi a haya “Oxi” cansa, hambda y na estado na Aruba riba December 8, 2007. Cu tiki cumimda, awa y un voz cariñoso, nos a bira amigo. Despues a cuminsa un storia increibel…
Cu ayudo di maneho di Occidental Grand, a yama Animal Rights Aruba. A tuma un par di ora pa nan yega, asina ta cu mi tempo cu Oxi tabata un tiki mas largo, mientras tanto e a sosega tranquil ariba e beach durante e tempo ey.
Mientras cu nos a warda, basta hende cu a pasa a ofrece nan sosten y ayudo. Entre e hendena aki tabata tin un veterinatio Americano cu a examina Oxi; e tabata na estado, den su di dos trimester, e tabata anemic, e tabatin un umbilical hernia y un possible malesa venereal. Pero esaki ya a gana mi curason cu su confianza y bondad!
Net 5 luna prome cu esey, mi a perde mi “mihor amigo pa 14 aña” y mi no por a ni pensa di tin un otra mascot, ya cu ainda e fayecimento tabata haci dolor. Lastimamente, e ora ey mi mester a entrega Oxi na Animal Rights Aruba, pero no sin hanja number di telefon y e-mail adres prome.
Nan a wanta mi na altura di Oxi su condicion y tratamiento, y 22 dia despues, Oxi a duna luz na 12 puppies; 2 a fayece net despues y e otro 10 a bai pa adopcion.
Cu e ayudo increibel di Animal Rights Aruba, Contreras Vets, Yessy, Kathy, Cheryl y demasiado mas pa menciona – mi a wordo reuni cu Oxi riba 4 di april 2008.
Ora mi a biaha bin busk’e pa hib’e cas, nan a ofrece mi nan hogar te ora cu mi mester a bai, y nan a hasta hiba nos na aeropuerto pa dispidi di nos. Den henter mi bida, nunca mi a wak hendenan mas dispuesto pa sostene un cause di rescate y mi ta estima cada un di nan pa loke nan ta hasi tur dia!
Inafortunadamente, nos storia no a caba eynan. Ami y Oxi a yega sano y salvo na Miami cu American Airlines y te ainda mi tabata por a wak caba bez cu Oxi tabata wordo carga y descarga for di un avion. Nan a mand’e prome cu mi na e siguiente avion cu tabata bayendo den direction di Pittsburg. Mi a subi e bus na caminda pa mi avion y mi a warda pa wak nan carg’e riba e siguiente avion. Pero Oxi na tabata tey.
Den un paniek total mi a alerta e personal immediatamente, cu a alerta e capitan. Capitan Cummings di American Eagle Airlines a dirigi palabra na mi y calma mi despues el a localiza Oxi riba un avion cu tabata di bai den direccion di Chicago. El a trece e avion bek personalmente y a descarga Oxi pa pon’e ariba nos avion. Por fin nos tabata na caminda pa cas.
Awor, despues di 4 luna, ainda mi ta wak Oxi tur dia y mi ta puntra; “Mi no sa ken tin mas suerte, ami of abo”. Awe Oxi ta bon ahusta, saludable, contento y un miembro di nos famia pa semper.
Cu hopi amor,
Cathy y Oxi
|
