|
Mei 5, 2007, ARA a haya un yamada tocante un carne cu a cay den dam den area di Moko y tabata tin un par di dia caba ta yora pa ayudo. Na yegada, a constata cu aki tabata trata di un lamchi y cu asistencia di cuerpo di bomber tabata necesario pa motibo cu e lamchi tabata na un distancia grandi den awa hundo, yen lodo y azeta.
Cuerpo di bombero a reaciona liher y a yega na e sitio di biaha pa ofrece nan ayudo professional. Usando un par di trapi y cu cabuya mara na nan cintura, dos bombero a drenta den awa y a logra yega e lamchi y carg’e sali for di e awa.
Auque muha, e lamchi tabata contento di tabata riba tera firme, despues cu nan a dune un baño. Di biaha e a wordo adopta pa un di e bomberonan cu ta cria carne. E lamchi a ahusta masha liher cu su famia nobo.
Animal Rights Aruba ta manda bisa danki na e bomberonan balente cu a responde den tempo rapido pa asisti den e rescate aki:
Andy Kock, Henny Ras, Rudy Ras, Pedro Werleman, Frans Leest, David Donata y Ferdinand Ponson di cuerpo di bomber y un danki special pa Luis Claro, ken a guia ARA na e location di e lamchi.
Danki pa boso ayudo y sosten!
|
