Aspro

Mi nomber ta Aspro, y mi ta un cacho blanco bunita. Mi a biba riba a cayanan di Aruba pa mas o menos 1 aña.
E dia cu a cambia mi bida a cuminsa basta normal. Mi a lanta y di biaha mi a ripara mi stoma bashi. Mi a bay cana den caya , sperando quizas mi por haya French Fries of algo otro cu por duna mi un tiki energia pa mi por sobrevivi e dia.
Mi tabata cruzando Caya Grandi ora un auto a hera dal mi. Tabata e momento ey cu mi a ripara un mucha muher sinta riba un banki riba acera. E tabata yama mi. Mi a cana bai cerca djie y e a dunami un bon “belly rub”. Despues mi a haya mi mes rondona pa su famia cu a cria mi, brasa mi y sunchi mi. Hunto nos a cana bai na nan auto, ami cu mi famia nobo. Nos a yega un petshop na unda mi a haya dushi cuminda, un banchi, un cadena y un cama hopi comodo. Nan a hiba mi cana riba beach, hunga y mi a haya hopi “belly rubs” (mi favorito).
Despues di un par di dia mi mester a bai veterinario. Nan a duna mi tur e injectionan cu mi tabata tin mester pa mi por biaha pa mi hogar nobo na Charlotte, North Carolina, USA. E dia di mi viahe grandi a yega lihe. Na aeropuerto nan a duna mi un pildora chiquito y mi a cay soño hopi lihe. Ora cu mi a lanta bek, nan a duna mi bek na mi famia.
Ora nos a yega nmi hogar nobo, mi por a wak cu mi no lo tabata e unico mascota den a cas. Nan tabata tin 3 cacho y un pushi (cu tambe a wordo adopta for di Aruba e aña prome).
Danki na e bon cuminda cu nan a duna mi, mi a subi un par di kilo. Mi tin hopi coi hunga y weso, un cura grandi pa core aden y un lugar comodo pa mi drumi.

Mi tin cu admiti; mi ta sinti manera un principe y mi gusta esey hopi!