Noticia

Siman 32

Siman pasa diferente cacho di ARA a wordo adopta, incluyendo Tity, Fleur y Benthe di nos shelter cu a haya un cas nobo.Aunke nos lo haya nan falta, nos ta hopi contento pa nan y nos ta spera cu nan lo haya e bida cu nan merece. Riba e potret por mira sra. Kelkboom firmando e papel di adopcion den compania di su nieta y Benthe unda ambos ta obviamente contento cu e deal aki.

Rembrand, un di e yiunan di Fleur tambe a wordo adopta. No solamente el a haya un cas nobo, pero tambe un nomber nobo. Awor su nomber ta Mokkie. Bo mes por mira con contento Rembrand/ Mokkie y su doño nobo ta cu otro.

Pa locual ta trata e cacho chikitonan cu a wordo benta na shelter, nos a logra haya casi mesora cas pa nan. Tur cos hunto, mirando tur e cachonan cu a wordo adopta, nos por bisa cu esaki tabata un siman exitoso pa ARA. Ban spera awor cu pronto e otro cachonan bou cuido di ARA tambe lo tin mesun suerte aki. Nan tur ta forma un bon compañero na cas y nan tur merece un di dos chens.