|
Scol
Den cuadro di kier trece Animal Rights Aruba mas cerca di nos hobenan, nos kier acerca scolnan pa promove derecho y bienestar di animal.
Campaña di Sterilisacion
ARA su campaña principal ta e campaña di sterilisacion national.
E campaña a cuminsa 2006, unda doñonan interesa por registra nan mascota na oficina di ARA pa sterilisa na un precio reduci.
Bo ta haya un formulario di registracion cu bo tin cu hiba Contreras Veterinary Services N.V. na Shaba #2, Noord. Despues cu bo mascota wordo sterilisa, bo contribucion pa e operacion lo ta manera constata den e tabelnan abao.
E campaña di sterilsacion ta un esfuerzo di ARA, sosteni pa sector public y organizacionan priva, pa attende e caso di sobrepopulacion di animalnan riba nos isla, pa asina baha e cantidad di animalnan coriendo riba caya y esnan cu ta wordo elimina.
E campaña aki a wordo para temporariamente. Mientrastanto, e doño ta responsabel pa e costonan total na e veterinario.
Campaña di Adopcion
ARA hopi biaha tin animalnan rescata cu a wordo trata y ta den condicion saludabel y cla pa wordo adopta. Esakinan lo ta disponibel pa wak riba e website of den medianan local. Den casonan cu e animal no a wordo sterilisa ainda pa ARA, e doño nobo lo mester hasi esaki despues na un dia specifica. E costo cu a doño nobo ta paga pa e adopcion ta pa por cubri e gasto di e operacion aki.
Pa mas detayes riba animalnan pa adopcion, por fabor bishita nos seccion di Adopcion.
|
